ELcompEL

مرحبا بيك فى منتدى الكومبل للفرفشة

((( Movie-games - Song - Series - Programs)))

منتدى كل ما تتمناة MR/EG يتمنى باسعد جولة فى منتدانا (^_*)
_-_-^-_-_ افلام -_-_^-_-_اخبار_-_-^-_-مواضيع عامة _-_-^-_-_

    من ساحات المحكمة ( حكايات غريبة وحقيقية ).

    شاطر

    Admin
    Admin
    Admin

    عدد المساهمات : 234
    تاريخ التسجيل : 23/04/2010

    من ساحات المحكمة ( حكايات غريبة وحقيقية ).

    مُساهمة من طرف Admin في الثلاثاء 8 فبراير - 23:11

    نكت من ساحات المحاكم

    • القاضي للحرامي : أنت مذنب أم غير مذنب؟
    الحرامـي : أمّـال أنـا جـاي هنا ليه ؟ .. هو أنا القاضي والا حضرتك؟!
    * * * * * * *

    • المتهم : ياباشا وكيل النيابة اتهمني بالتزوير مع إني ما باعرفش اكتب اسمي!
    القاضي : ما هو انت ما زورتش اسمك .. انت زورت اسم غيرك.
    * * * * * * *

    • وكيل النيابة للنصاب: انت بتشتغل إيه ياجدع؟
    النصاب : ولا حاجة يا باشا .
    وكيل النيابة "لزميله المتهم الثاني" : وانتِ؟
    المتهم الثاني : أنا سكرتيره يافندم.
    * * * * * * *

    • القاضي لصاحب السوابق : أتمنى ألا أراك هنا مرة ثانية.
    صاحب السوابق : ليه ؟ انت ناوي تستقيل يا حضرة القاضي؟
    * * * * * * *

    • وكيل النيابة لمتهم عاطل: بتشتغل ايه يابني ؟
    المتهم : مراتي ممرضة !
    * * * * * * *

    • القاضي لصاحب السوابق : ياجدع أنا مش قلت لك مش عايز اشوفك قدامي مرة ثانية؟
    صاحب السوابق : والله قلت للعسكري كده وما صدقنيش.
    * * * * * * *

    • وقف نشال أمام القاضي واضعاً يده في جيب بنطلونه
    فقال له القاضي : اخرج يدك من جيبك.
    رد النشال (بدهشة): أما أمركم غريب جداً.. إذا وضعت ايدي في جيبي مش عاجبكم.. واذا وضعتها في جيوب الآخرين برضه مش عاجبكم!
    * * * * * * *

    • المحامي للمتهم ( ناصحاً) : إذا كنت عايز تطلع براءة اقنع مراتك أنها تبكي أمام القاضي.
    المتهم : بسيطة .. كفاية انك تقول لها اني هاطلع براءة.
    * * * * * * *

    • المحامي للزبون : انت رُحْت لمحامي غيري قبل كده؟
    الزبون : آه .
    المحامي : وقال لك إيه ؟
    الزبون : قاللي " روح في داهية " بعيد عني.
    المحامي : وعملت إيـه ؟
    الزبون : جيت لك !
    * * * * * * *

    • القاضي للمتهم : ما اسمك ولقبك ومحل ميلادك وسكنك؟
    المتهم : أبي فرنسي وأمي ايطالية ، وولدت على ظهر سفينة انجليزية، واقيم الآن في اليابان.
    تعجب القاضي وقال : وبماذا نسمي هذا الرجل ؟
    رد أحد الحاضرين : نسميه ( الأمم المتحدة ) يا باشا.
    * * * * * * *

    • حكم على متهم بالإعدام ، فخرج المحامي إلى أهل المتهم وقال لهم: كسبنا الدعوى .
    فسألوه : إزاي ؟!
    قال : لأن مصاريف الدفن هتدفعها الحكومة !
    * * * * * * *

    • على مصطبة القرية جلس القاضي اثناء إجازته مع بعض الأهالي وكان بينهم "شحات" وفي الجلسة تنهد الشحات وقال (حكم عليّ الزمان) فأجابه القاضي على الفور: ولا يهمك "استأنف"!
    * * * * * * *

    • عاود طبيب مريضاً في منزله للكشف عليه وعلاجه ، ولما طالبه بالأجرة رفض المريض فاشتكاه الطبيب.
    وفي المحكمة سأل القاضي المريض : لماذا لم تدفع ما عليك للطبيب؟
    رد المريض : إن ما فعله الطبيب لا يستحق الدفع .. فقد زارني خمس مرات، وأنا مستعد أرد له هذه الزيارات.
    * * * * * * *

    • القاضي : حكمت المحكمة على هذا النشال بغرامة 100 جنيه.
    النشال : بس أنا مفلس يا باشا.
    القاضي : طلعه يا عسكري من القفص ، وخليه يسرح 5 دقائق وسط الجمهور وييجي يدفع .
    * * * * * * *

    • القاضي للص : انت متهم بسرقة هذه الساعة من محل تجاري.
    اللص : لكن اللوم على صاحب المحل يا سيدي.
    القاضي : ازاي ؟
    اللص : رأيت ورقة على الساعة مكتوب عليها (انتهزوا الفرصة) فانتهزت الفرصة وسرقتها.
    * * * * * * *

    • تشاجر رجل وامرأة فذهبا إلى المحكمة مبكرين ، وكان سكرتير الجلسة بمفرده في القاعة .. وأثناء الدردشة .
    سأل السكرتير الرجل : بتشتغل إيه يا جدع.
    قال الرجل : عازف عود.
    فسأل المرأة : وانتي بتشتغلي ايه ؟
    قالت له : رقاصة .
    قال السكرتير : احنا بقى عندنا " القانون " .
    * * * * * * *

    • القاضي : ليه يا راجل ضربت مراتك بهذا العنف؟
    المتهم : لأني " أطرش " يا حضرة القاضي .. فلو ضربتها بالراحة لن أعرف إن كنت ضربتها كفاية أم لا.
    * * * * * * *

    • القاضي للحرامي : المجني عليه يقول إنه رآك وانت تسرق من قلب حجرته.
    الحرامي : دا كداب يا باشا .. لأنه كان يخفي وجهه تحت اللحاف.
    * * * * * * *

    • أراد القاضي أن يوقع بأحد المتهمين الأذكياء الذي رفض ذكر اسمه وعنوانه..
    فسأله : انت ساكين فين ؟
    المتهم الذكي : مع اخويا.
    القاضي : وأخوك ساكن فين ؟
    المتهم : معايا .
    القاضي : طيب انتما الاثنان ساكين فين ؟
    المتهم : مع بعض.

    ( ارجو التعليق )

      الوقت/التاريخ الآن هو الأحد 19 نوفمبر - 6:05