احدث مصطلحات الشباب ... مستنى ايه ادخل شوف

طبعا الشباب اليومين دول اخر تهييس فى تهييس بس بردة باْدب ودلوقتى هتشوفوا معايا احدث مصطلحات الجيل ركزوا واحفظوا....


1)اديه جاز : ودة لفظ بيتقال بين الاصحاب وقت الخناق عشان يزيد الخناق ويولع وده شخص بيقوله للتانى عشان ينرفزة اكتر واساسا احنا منتوصاش فى النرفزة


2)اْليط : وده بتتقال على اللى شايف نفسه فى الشله من عجرفته او تكبره

3)اتشبح : يعنى واحد واخد ضرب لما قال بس يعنى واحد يقول انا شبحت فلان يعنى ضربه لما قال بس او يعنى لما خلاه من كتر الضرب ملهوش ملامح

4)اتوبيس راجع بدهره : ودى بيقولها الشباب على البنت اللى يعنى مش حلوة قوى بس طبعا مفيش بنت مش حلوة الشباب اللى عنيها بقت وجعاها علشان كده مبيشوفوناش كويس واحنا ظالمينهم والمصطلح ده نفس معنى لما نقول زى الكرة الكفر او صب من حته واحدة

5)امبلايز : ودى بمنى ان الموضع فاشل او خربان او على الفاضى يعنى لما نقول الحياة فى الامبلايز يعنى الحياة خربانة وفاشله

6)انجز بالونجز : ودة بمعنى الحل السريع للموضوع او المشكلة مادام فيه مقابل وكلمة الونجز دى كلنت بتتطلق على نوع من السجائر بس وصل معناها دلوقتى بمعنى الفلوس يعنى بياجد مقابل للشئ ولاْن الفلوس حلالة العقد وسريعة التاْثير

7)انش : وده لفظ مختصر بمعنى انشراح الخباثة يعنى شخصية خياليه لدرجة الهبل

ابجنى تجدنى : وده معناه ان الشخص ده يعمل اى شىْ مقابل الفلوس


دى احدث مصطلحات الشباب اللى على نظام تهييس دوت كوم اتمنى تعجبكم وياريت اشوف راْيكم